Мектепке саяхат

Көкшетау қаласының №6 мектебі мен балабақша арасындағы сабақтастық бағдарламасы аясында балаларды мектепте оқуға табысты дайындауға бағытталған жұмыстар жалғасуда.

№11 «Айгөлек» мектепалды даярлық тобының тәрбиеленушілеріне Көкшетау қаласындағы №6 мектепке экскурсия ұйымдастырылды. Балалар оқу кабинеттерімен танысып, кітапханаға, акт залы мен спорт залына барды. Сонымен қатар мектеп өмірі туралы алғашқы түсініктер алды.

Мұндай кездесулер балалардың мектепке деген жағымды көзқарасын қалыптастырып, танымдық қызығушылығын арттыруға ықпал етеді.

Балаларымызға жылы қабылдау көрсетіп, қызықты экскурсия ұйымдастырғаны және жарқын әсер сыйлағаны үшін мектеп мұғалімдеріне алғысымызды білдіреміз!